19.5.2012 on Saturday

Asia viapa ta eimaw ro pazao bei aw

MEC, Kalay Local church thlachhana O cha Pupa Lechai nata Pino Dawmeih (Australia) chhokhazy patopatiana ta 19/5/2012 on Saturday liata pahy awpa ta daiti raopa nata thlachha haipa a cha. Khizaw kaoki ta apahrapa Marasaw zydua ta thlachha miah bao chyu bei te u.

Keimo Kalay MEC awnanopazypi he apanaoh kawpa awnanopa chachy pi ta apie alyu thei mah leipa eima cha. Hiakha nata Thatla awnanopa deita hruana eima hneitheipa chata, he daiti liata miah achapia chahrih thei awpa Mara sawzydua chhao ta miah nama hlao khai hra bei awpa ta thati eima chapahnosa cha nei.

MEC Assembly moderator Rev Sitlo chhao cha hruapa cha raw ta lasie rairuna vata chazy avaw hmohawh pathlei thei awpa vata ano nata azaona ahneipa unawzy tawta chhao thatih miah nama pahnosapa hra bei awpa ta eima cha haw.

Khazopa ta Marapa he Thuato nata Dawh pâchhô ta pa I via lyma sala akhih nata arah apakawhsa lyma tuhpa awnanopa nata mopho cha awpa ta pa I lyma mawsy.

Araironahpa liata..
Mc Zawma
Local Secretary
MEC, Kalaymyo.

University liata pachutuhpa (Tutor) raihria thei awpa ta Myanmar sawkha ta 2012 ko thaona May thla liata rai avaw kao haw ba. Chata su liata apatla pachhi hra awpa ta M.Sc nawhe kaopa cha ei ta Kalaymyo tawta avaw hlaotlohpa Paw Paikha M.Sc (Bot) nata Fie Maythye M.Sc (Physics) nata Paw Khaichotha M.A (Geo) zy he Naypintaw khihpi la ama thao haw.

Chavata he liata ama Ezana zydua liata ama hlaotloh thei hra nawpa ta Marasaw zydua ta thlachha miah nama bao chyu bei awpa ta eima cha haw.

Atahma la ta amaw kaopa he ko 35 tawta aryla zydua apatla theipa a cha.

Dear Chhokhazy,

Nama thlachhana zawzi vata ABEIPA tawta sohna byhna eima daopha lyma.

Kalaymyo liata University miathoh y ta, cha liata Marasaw avaw chu
theipa cha Mo 30 hlei rachhoh he ama cha. Mopho hropazy nata eima rei
khia ta cha Maluh chykawpa hawta eima cha. Chatahrasala ABEIPA ta
eima chhah a vaw cha lymapa vata…

Atako 2012-2013 ko chhoh liata Master nata Honours Degree avaw
daotheipa he Mo pa charu la ta amaw cha haw ba.

1. K Bietu… M.E
2. Paw Paikha .. M.Sc
3. Paw Kuahmo … B.Sc(Hons),M.Sc

4. Fie MeThwe …. M.Sc
5.Fie Singesoh … B.Sc (Q)M.Sc
6.Fie Phahleipaw (Thaku) … B.Sc(Hons), M.Sc
7.Fie Sizakhai … B.Tech(Q), B.E

Atahma University liata Tutor nata Demonstrator zy chhao sao pathao
nga hai ei ta Academic Siku la liata Atahma Rai amaw pahy awpa liata
Marasaw thokha apatla awpa ta ama ha chyu hai…..

Hehawta ABEIPA byhna dao lyma pita, atahma University to liata achu
haipazy Liata Computer, Engineering, Sicience nata Arts zydua liata
achu haipazy hry ta Avaw hlaotlopha awpa Sadu thliepazy chhao y holo
ei ta… Thlachha miah bao lyma bei te u.

Atako Pyhraw avaw y zahpa zy hry lia ta chhao ama taopha kaw sai hra.
Ama hlaotloh thei nawpa ta Marasaw zydua hnota thlachha ahawna eima
cha hnei. He Pyhraw nawzy hry liata Maraland COME Sikul tawta azu pa
Mo(5) ama hlao hra..

Nama thlachhana liata miah athei lyma bei te u tapa ahawna cho ta ..

NB.SILA
Kalay.

Dear Khochhihpa Unaw zydua sai u,

Ahmia tua chai ta Atlana samaw ei cha hla chyu ei.

Nama thlachhana zawzi vata ABEIPA byhna eima dao lyma.

Atahma March thla thaona liata Saya Lebie u, cha Sawchano byhna vaw
dao ta, atahma cha Saw chano pa(2) nata Sawchapaw pa(2), papalih ama
hnei haw ba. He hawti no zy apinoh myla liata tlai ta Saya Lebie u cha
Office ( Kalay University, Finance Dept:) la avaw bao cha…

Na rai akiah haw! tapa alychhi ngaitapa Byhna avaw dao cha nei heih.
Chavata Kalay University, Head of Finance, Sub-Dept: ta a vaw cha haw
ba.

He raikiana byhna he Atahma avawpihpa Hawtino ta avawtlo kheipa hawh
tluta pachapa a cha. He arai akia chy, daiti rieleipa ko lia kha ta
eikha kia ta atahma he Officer achana liata ei nona ta a cha haw ba.

Chysa hropa ama rai akiapa zydua cha Apaly pâpa sai ta a cha.
Chadeikua Eima Saya Lebie u cha, apa ly awpa cha vei.

He arai tawh ta Achhana cha miakha dei abaoba ta, Head of Finance
Dept; tapa dei abyuh ba… Chavata ABEIPA ta Mara sawzy chata eima
chhah acha lyma tapa ta alyna bie eima rei lyma ..

Alyna cho ta ..

NB.SILA
Camp:Kalay

To,
Pupa Khaimau nata awnanopazy,
MEC, Australia.

Ahmiatua chai ta Krista moh ta alyna samaw ei cha hla ei.

Atako MEC Election thiehpa term chhoh liata MEC Local thiehpa ta nama vawdua theipa vata he term he a eihpa ta ABEIPA ta byhna apie ta lei theipa cha vei. ABEIPA liata thata ei ma ly hmeisei.

Atahma nama chakaona nata MEC awnanopa nama vaw pathaona kyh zy he eima vaw pahno tita thata aly a chhih. CBC tawta ama chaly khei zie, Lyma sohpa hlupi ta Ocha ama chapachona kyh zie he eima vaw hmo tita Khi nata rah lata Awnanopa nopawzy thlachha lymana a cha cheingei aw, tapa he thata eipacha. Eima rah liata Special thlachhana maih ta thlachha ama chabao lyma.

Khizaw hmasiena liata a ypa nama chapa hawta alyna he hluh thei aw ta, buana chhao avaw nao thei heih aw. Chahrasala ABEIPA la ahiepa nata Krista phana sai ta adua kheipa ta khâchâ avaw dua kyma ula, Sapa liata su nano Rah nano ta y chyu hra ei sila eima thlachhana azaona eima Awnanopa nata Krista liata Pohkha eima cha lyma.

Thlachha chhao eima chabao lyma. Krista liata eima chakaona he Nama hro lia nata eima hro liata eima lychaina a cha awpa ta thlachha awpa he eima chakhokhei hmeisei.

Ato zydua liata ABEIPA ta nama chhah chachâ lyma lai heih maw ei sy, tapa ALYNA BIE HLANA nata Thlachha kheina chota ..

Krista liata nama deichhy haipa …

Sd/-
(NB.SILA)
President, K,KTP.
(www.ktpkalay.blog.com)

To,
Pupa Cho-u,
MEC, Maryland, USA.

Ahmiatua chai ta Krista moh ta atlana samaw ei cha hla.

Daiti varopi vaw sie lymapa ta MEC awnanopa chata navaw piepasai
lymapa nata LTC liata pachutuhpa ta zy, USA MEC Hyutuhpa tazy ta,
Krista raironahpa liata palohpasi kawpa ta atanoh taita navaw chakao
pha lymapa vaw pahnopi ta a eihpa ta alyna bie eima cha hla.

Atako MEC Assembly ta, Pastor ta rai acha vaw patosapazy vaw pahno
heipita a eihpa ta eima ly zie reithei mapi. Ahmiatua ta ABEIPA moh
reithaipi ta Marapa chata adua lyma haipa Nama cho liata chhao eima
ly.

Chavata Atako tawh ta cha, Senior Pastor hluhpi zy cha nama hry liata
vaw y khao leipa aw eita, Chysa thieh hlah viapa zy sai ta nama cha ba
aw. Moderator liata nopaw chaipa ta Rev Sitlo ta a chavaw dua khei ba
aw ei. Chavata Krista chata chakaona kyh zydua liata ABEIPA la ahiena
chota vaw chakao lyma bei la, Senior Pastor hlupi ama vaw y khaoleipa
chhao ta, Nama hnota ABEIPA a y lymapa he avaw thei thla hri bei ma y.

Khizaw Khipha, Rah pha chaipa liata nama ypa hawta, ato zydua liata
hlaotlohna zy he nao chai awta Moleina zy chhao anao chai thei hra
aw.. Chavata Krista avaw pahnieh lymapa ta, Eima awnanopa nata eima
rah chata navaw tiama lyma bei awpa ta Krista moh ta thlachhakheina
AHAWNA nata ALYNA BIE HLANA cho ta ..

Krista liata na deichhy haipa ..

NB.SILA
K,KTP, President

Dear Zachhihpa Marasaw zydua,

Ahmiatua chai ta Krista moh ta atlana samaw ei cha hla chyu ei.

Athatih: THLACHHA AHAWNA

Acho bie nata apazaopa ta, atako 2012 ko liata Kalaymyo liata Pyhraw avaw chu theipa Mara saw he Maluh 68 rachhoh ama vaw cha. Atahma cha Ama Ezah nawpa su hro lazy asiepa ama y holo hrapa vata 50 rachho he ama awpa ta pangiasapa a cha. He liata COME siku hawti nawh chhao ama hlao hra. Ezah likawh a chapa vata Kalaymyo liata a Ezah awpa moh list he asiapa ta Latheipa cha mah vei.

Chadeikua ama Boarding chyu ta vai laihpa ta atahma cha ama tla khai chy no ta a cha.

Kalaymyo liata Mara Siku hawtih nawh cha Siku ama kia daiti liata Chileina thata atypa zy y ei ta, eima Sitano Siteiteh ( Sabyhpi) COME siku hawtipa zy chhochhi la Cha he pahnie kaw rawta achie leina vata a Ezah thei awpa chhao pangiasa mapi.

He zy hry liata ama Boarding liata pasipasawhna zy, Chieleina hropazy nata buabana chinanopa hlupi zy chhao ta ama ty holo.

Chata hrasata ABEIPA cha ato ataotheipa a chapa hawhta Marapa sawpi cha ABEIPA dei apahniehpa eima chapa vata Feb 11 noh liata Kalay MEC awnanopa zyta Nov 12 noh tawta a Ezah awpa Siku hawtizy chata, Kavi leipa ta thlachhana ama vaw hnei.

Chavata atanoh ta Eima Sietano Siteiteh (COME) Siku hawtino chhao aviasa Mara nawh zydua chhao ta atanoh taita atla ngasapa ta Ama vaw Exam lyma haw chy. Subject Mia palih ama vaw Ezah khai haw ba. Friday Zala liata ama Siku zydua chalei lai nata ama paloh atla kaw chysai. Hehe ABEIPA vata acha ta leitheipa cha vei.

Chavata Mara unawh nopaw zydua ta atahma atahpa Subject Mia (2) pa nawh he ABEIPA moh ta atlah ngasapa nata aly ngaitapa ta Mara Siku hawti zydua ta ama Ezah khai thei nawpa ta nama thlachhana liata (RIE) miah avaw thei cheingei bei te u. Atla leipa A Ezah thei lei awpa ta eima pachapa eima sietano zy chhao atahma atla ngaitapa ta a Ezah nga thlah hra.

Chavata Kalay liata Pyhraw A Ezah haipa Marasaw nata Mara saw atako py hraw A Ezah haipa zydua chata Marasaw zydua ta thlachha kheina, hnei chyu awpa ta Krista moh ta ahawna ei cha hnei chyu ei.

Krista liata nama deichhy haipa …

NB.SILA
K.KTP, President.

Dear Maraland Admin nata Moderatorzy,

Ahmiatua chaita MARA CHIPHO apadua tuhpa ABEIPA moh he reithaipa ta y mawh sy.

Zachhipa Maraland.net liata chakao tuhpa nopawzy sai u, Keimo Kalay khipi cha Daiti hmiatuapa liata Chin tapa Chipho pahrana su nata avaona supipa khi miakha ta a vaw cha. Chahleikho ta Marasawzy thaona History liata avaw la lymatyh Kalay-Kabaw Valley tapa Marasawzy Supi pa miakha ta a vaw cha hra. Chin Chipho pachhaipa (Clan) hlupi ta pahrana supipa ta a vaw cha hei hra.

Chaliata Marasawzy pi he Phopipa eima cha tahraw ei sila Reiraona nata Apiepasaina hrota rai eima hria vei khiata cha Phopipa cha Aleitua chai awpa Phopita a cha thei aw. Atahma cha Pho chyh nawhpa zy hmata thata ama sosah kaw saibana daiti ta a cha.

Chadaiti liata keimo Mara Krizypa Thyutliapy zy chhaota Chakaona Raihria eima vaw pathaona liata Namo tawta khokheikawpata Maraland.net (website) liata Link ta mia namaw pahlao theipa vata nama khokheina he Keimo chata chaleipata ABEIPA cha nata Marapa Chipho nama khokheina ta a chatapa apypa ta Nama hnota alyna bie ei cha vaw hla chanei ei.

He www.kalayktp.blog.com he Maraland.net liata namaw Link khaipa nata 2012 kothaona thla hmiatua chaipa liata Alyna bie hlana he Maraunawzy lata vawro raw nata line apha leipa vata avaw ngia khao leipata Keima cha angia ha aw, tapa vaw pacha nata atanoh taita ALYNA BIEHLANA raihria cha palohawpa hawhta ei vawpacha, Chadeikua angia leipa vata atahma he thlai ei vaw ro chanei heipa a cha.

Khazopa nata Marasawzy chata nama taophana cho liata Alyna abie hlana cho ta ..

Krista liata Nama deichhy haipa .. (www.kalayktp.blog.com)

NB.SILA
President
KTP,Kalay